NGAAHI NGAUE ‘A E VA’A FAKAHOKONGAUE MA’AE KAKAI (SITISENI) ‘AMELIKA

‘‘Oku talitali lelei heni kimoutolu ki he Tafa’aki Ngāue Fefolau’aki  ‘i he feitu’u koeni kuo fokotu’u ma’a Tonga ‘i he ‘initānetí.  Koe Va’a Ngāue ma’ae Kakai (sitiseni) ‘Amelika ‘i he ‘Ofisi Faka-‘Amipasitoa  ‘o e Pule’anga ‘Ameliká ‘i Suva, Fisi, ‘oku fakahoko ai e ngaahi ngāue kehekehe ma’a e kakai ‘Amelika ‘oku nau ‘i Tongá.  Ko e ngaahi fatongia ‘o e Va’a Ngāué ni ‘oku kau ai ‘a e:  ngaahi ngāue fekau’aki moe paasipootí; fakamo’oni fuakava ki he ngaahi pepa; lesisita ‘a e kakai ‘Ameliká; lipooti ‘o e fānau ‘Amelika fa’ele’i ‘i ha fonua muli; ngāue fakapepa ki ha mali; fili ‘i he ngaahi fili fakapule’anga ‘a ‘Ameliká; ngaahi ngāue fekau’aki moe ngaahi penefiti fakapule’anga fetalolo kehekehe mo e ngaahi ngāue kehekehe pe.  ‘Oku toe ngāue foki moe Va’á ni ke tokoni’i ‘a e kakai ‘Amelika kotoa ‘i ha hoko ha ngaahi me’a fakavavevave pe fakatamaki hangē ko ha puke ‘o fakahū, mate, mo ha toe me’a fakatu’upakē kehe.
 
Ko e kakai ‘Amelika ‘oku nau nofo ‘i Tongá pē folau ki Tongá ‘oku totonu ke nau lēsisita ‘i he ‘Ofisi Faka-‘Amipasitoa ‘i Suva, Fisí.  ‘I he ‘enau lēsisitá, ‘e faingofua ange ai hono lava ‘e he ‘Ofisí ni ‘o fakapapau’i ‘a e tokolahi moe feitu’u takitaha ‘oku ‘i ai ‘a e kakai ‘Amelika kotoa ‘i he taimi ‘e hoko ai ha me’a fakavavevave pe fakatu’upakē ke lava ke faka’au vave atu kia kinautolu ha ngaahi ongoongo pe fanongonongo.  ‘Oku lava ke ke lesisita he ‘initāneti ‘i he feitu’u ‘oku fai ai e lēsisitá he peesi ni.
 
‘O ka ‘iloange kuo hoko ha fakatu’utāmaki ‘o kau ai ha tokotaha ‘Amelika, ‘o ne faingata’a’ia pe mate, kataki ‘o telefoni mai ki he telefoni ‘oku ‘atā houa ‘e 24, koe fiká koe (679) 331 4466 ke ke lea mai ki he Duty Officer.  Koe taimi ngāue faka’ofisi ‘o e Va’á ni, ko e Monite ki he Tu’apulelulu mei he 9:00 pongipongi – 12 ho’atā pea moe 2:00 - 4:00 efiafi, pea moe Falaite mei he 9:00 – 12:00 ho’atā.  ‘Oku tāpuni ‘a e Va’á ni ‘i he ngaahi ‘aho mālōlō fakapule’anga ‘a ‘Ameliká mo Fisí.
 
Ka toe fiema’u ha ngaahi fakamatala fekau’aki mo e ngaahi ngāue ma’e kakai ‘Ameliká, pea ke kātaki ‘o vakai ki he International Travel website ‘ae U.S. Department of State Bureau of Consular Affairs.